berita jawa

BANYUMAS, - rak gelem kecolongan bab beredare buku referensi siswa sing mambu porno koyo ning kabupaten liyo, Dinas Pendidikan Banyumas jaluk kabeh sekolah penerima bantuan buku soko Dana Alokasi Khusus (DAK) kanggo nglakoke pengecekan kanti teliti.
"Kito wis merintah supoyo sekolah nglakoni pengecekan buku bantuan kui kanti tliti. Ojo sampek kejadian neng kabupaten liyo, ditemuke neng Banyumas," jare Kabid Dikdas Dinas Pendidikan Banyumas, Edy Rahardjo, Kamis (27/9).

Kanggo ngantisipasi kejadian kasus sing podo, dinas juga wis negaske marang pihak rekanan ben ora ngleboke buku sing mambu porno, koyo ning kabupaten liyo. Saiki buku bantuan kui lagi didistribusike neng sekolah.
"Buku-buku wacanan siswa kanti judul koyo Tidak Hilang Sebuah Nama, Ada Duka di Wibeng dan Tambelo, uwis kito garisngisori kangge rekanan ben ora ono sakjroning penawaran," jarene dekne.
Buku-buku sing sempet beredar ning beberapa sekolah ning Kabupaten Kebumen lan Purworejo kui dinilai mambu porno lan akhire ditarik peredarane karo Dinas Pendidikane.
Menurut dekne, sebenere masing-masing sekolah penerimo bantuan DAK buku 2010 pengadaan tahun 2012 uwis mbentuk tim sing terdiri atas limang uwong. Nha tim kui meh nglakoni pemeriksaan siji per siji buku-buku sing diterimo sekolah kanti cermat, termasuk speke.
Nha menyangkut pengiriman buku bantuan sampek ning sekolah, lanjut wonge, uwis nyerahke marang pihak rekanan. "Yen ono sing salah utowo orak sesuai karo spek, sekolah dijaluki kudu wani nolak. Yen ditemuke ono kekurangan, ojo dibayar disik," tandase.
Wonge nambahke, total anggaran bantuan DAK buku sing disalurke tahun iki sekitar Rp 14,5 miliar. Bantuan kui diwenehke kanggo 161 sekolah penerimo, sing sak kabehe neng jenjang SD.
( Budi Setyawan / CN26 / JBSM )